මව්පිය හදක නැගෙන වේදනාව
කෙමෙන් හිරු පායා
නිල් අඹර දිළෙන්නා
නෙක් කුරුළු කිරිල්ලෝ
ප්රීති ගී ගයන්නා
සිනිඳු පා පොඩි තබා
සිඟිත්තිය හිනැහුණා
පිරී ගිය සෙනෙහසින්
මාපියෝ තුටුවුණා
පළමු පාසල් දිනය
මව් සුරතෙ එල්ලුණා
චූටි දුව තනිකර ම
මව් ගෙදර ඇදෙන්නා
පියවරෙන් පියවරෙන්
චූටි දූ ලොකු වුණා
මනාලිය වී සොඳුරු
ගෙයින් ඈ පිටවුණා
මව පියා තනි වුණා
මතක පොත පෙරළුණා
ඇඟිලි ගණිමින් හෙටට
සෙමින් කල් ගෙවෙන්නා
සෑම මව්පිය හදක
නැගෙන වේදනාවන්
සෙනෙහෙබර දූ පුතුන්
හැර යාම විනා අන්
